Skrifað: 06.10.2024
Mynd 1
Mynd 2
Þetta teppi er búið að vera nokkurn tíma í vinnslu en aðallega vagna þess að ég hef verið svo óákveðin með hönnunina á því. Ég raðaði blokkunum saman í allskonar mynstur en endaði á að sauma þær saman eins og sést á mynd tvö.
Enn sem komið er bíður það svo eftir að verða klárað (border/bak/quilt) en ég hef jafnvel verið að spá í að nýta einhvert af skrautsporunum á saumavélinni minni til að skreyta það aðeins þar sem mér finnst að stundum vanta eitthvað meira.
Þetta er verkefni sem ég er búin að vera með í maganum síðan í vetur. Ég var á einhverju flandri um Pinterest og sá mynd af þessu teppi. Þetta er ekki eitthvað sem maður saumar á nokkrum dögum, það er alveg ljóst, en það er allt í lagi því þetta er svo skemmtilegt....
Um eftirmiðdag í gær ákvað ég að spreyta mig í því sem á enskunni kallast Thread painting. Samkvæmt YouTube myndbandi sem ég vafraði á um daginn þá er þetta nefnilega ágætis æfing í því að nota "Free-motion" tæknina en það er einmitt það sem ég er að æfa mig í...
Recent Comments