Ég hef aldrei verið góður bloggari en hins vegar hef ég skrifað reglulega hjá mér ýmsa mynnispunkta og hugleiðinar um verkefnin sem ég vinn hverju sinni í bók.  Það sem vakir fyrir mér með þessu bloggi er kannski að halda áfram að skrifa eins og ég geri í bókina, en að gera þetta svona í tölvu gerir manni auðveldara að tengja saman texta og myndir.  Ég hef ekki verið nægilega dugleg að taka myndir af verkefnunum mínum sem mér finnst oft á tíðum vanta, þegar ég lít til baka og les yfir gamlar færslur úr dagbókinni minni.

Ég er  örugglega ekki besti textasmiður í heimi og á örugglega eftir að skrifa færslur sem eru bara "rimsírams" og e.t.v. ó- eða illskiljanlegar fyrir lesandan. Það er þó mín von að einhverjum öðrum þyki eitthvað varið í þetta blogg mitt, eða hafi einhverskonar not fyrir það.

Núna nýlega hef ég mest verið í því að sauma bútasaumsteppi en síðan í byrjun maí er ég búin að sauma fimm toppa. Það sem stoppar mig í að klára teppin (allt nema eitt) er aðallega að mig vantar að fara í búð og kaupa efni fyrir bak og millilag.