Vefrun.com » Fjölskyldan

Arnbjörg – litla söngkonan okkar

admin — Wed, 15 Jun 2011 19:20:36 +0000

Henni Öddu okkar finnst afskaplega gaman að syngja (eins og stóru systrum hennar, Marínu og Melkorku) og reindar er hún alltaf syngjandi. Stundum situr hún líka fyrir framan flygilinn og spilar og syngur. Ég á enn eftir að ná því á mynd, en ég fékk að taka eitt stutt myndband í dag þar sem hún var að syngja uppi í herberginu hennar Melkorku. Þetta er lag sem hún Melkorka hefur mikið sungið og eitt af þeim lögum sem Öddu finnst afskaplega gaman að syngja.

Takið sérstaklega eftir handahreyfingunum hjá henni, þ.e.a.s. þegar það lítur út eins og hún sé að setja hárið bakvið eyrað…. Þetta gerir hún mjög oft eftir að hún hefur sungið háan tón. :)

Jólakveðja 2010

admin — Mon, 27 Dec 2010 14:07:27 +0000

Við sendum öllum nær og fjær óskir um gleðileg jól og farsældar á komandi ári.

Haglél í júlí!

admin — Tue, 13 Jul 2010 12:02:59 +0000

Nú helli rignir í Vogunum, ásamt með þrumum og eldingum. í gær var meira að segja hagl él af stóru sortinni og auðvitað var náð í bæði ljósmyndavél og vídeómyndavél og fyrirbærið myndað í bak og fyrir.

Hér fyrir neðan getur að líta röð ljósmynda, samsettar í hreyfimynd, en myndbandið sem tekið var kemur ef til vill síðar.

Garðvinna

admin — Sun, 09 Aug 2009 11:30:35 +0000

Nú í sumar höfum við tekið nokkur lítil, en árangursrík, dugnaðarköst.

Í einu þeirra var steinhæðin löguð hressilega til.

Í öðru var settur upp skjólveggur og pallur, ásamt með buslupotti fyrir börnin.

Nú stendur yfir enn eitt kastið. Í dag var settur upp skólveggur á SV-jaðri lóðarinnar, og nú skal tekið til við að planta þar út gróðri.

Ég nefnilega bað tengdapabba að sjá af nokkrum plönturæflum til mín, einhverju til að fegra og bæta aðeins með.

Sendingin kom, og voru það ca 70 plöntur, allt frá skriðlægum smáblómum til allstórra runna, trjáplantna og rósa.

Ekki er stefnan að láta gróðurinn deyja sínum drottni þannig að nú er ekkert annað að gera en að snúa öllu á haus og koma þessu vel fyrir.

Myndir verða birtar fljótlega þar sem afraksturinn og breytingarnar munu vonandi sjást.

Ferming Birkis

admin — Wed, 01 Apr 2009 12:42:42 +0000

Í dag var Birkir fermdur.
Athöfnin var í Kálfatjarnarkirkju, undir tryggri stjórn klerksins Carlosar, með dyggri aðstoð Jóa meðhjálpara. Krakkarnir, 5 að tölu, 4 sætar stelpur auk Birkis, stóðu sig vel og allt gekk þetta ljómandi vel.
Að aflokinni athöfn var herjað heim á leið, til að taka á móti gestum. Ágætar heimtur voru í gestasmölun, og í dagslok höfðu 49 kvittað fyrir kaffinu í gestabókina. Nú tekur við að koma húsinu og heimilishaldinu í eðlilegt horf eftir atgang síðustu daga, og skal því lokið fyrir mánudagsmorgun.
Krakkarnir eru komnir í páskafrí úr skólanum, þannig að nú verður hægt að níðast á þeim við að rétta fram hjálparhönd við heimilisstörfin, þar sem mamma þeirra er orðin ósköp lúin eftir 8 mánaða meðgöngu í sjöunda sinn.