Nú helli rignir í Vogunum, ásamt með þrumum og eldingum.  í gær var meira að segja hagl él af stóru sortinni og auðvitað var náð í bæði ljósmyndavél og vídeómyndavél og fyrirbærið myndað í bak og fyrir.

Hér fyrir neðan getur að líta röð ljósmynda, samsettar í hreyfimynd, en myndbandið sem tekið var kemur ef til vill síðar.

Nú í sumar höfum við tekið nokkur lítil, en árangursrík, dugnaðarköst.

Í einu þeirra var steinhæðin löguð hressilega til.

Í öðru var settur upp skjólveggur og pallur, ásamt með buslupotti fyrir börnin.

Nú stendur yfir enn eitt kastið. Í dag var settur upp skólveggur á SV-jaðri lóðarinnar, og nú skal tekið til við að planta þar út gróðri.

Ég nefnilega bað tengdapabba að sjá af nokkrum plönturæflum til mín, einhverju til að fegra og bæta aðeins með.

Sendingin kom, og voru það ca 70 plöntur, allt frá skriðlægum smáblómum til allstórra runna, trjáplantna og rósa.

Ekki er stefnan að láta gróðurinn deyja sínum drottni þannig að nú er ekkert annað að gera en að snúa öllu á haus og koma þessu vel fyrir.

Myndir verða birtar fljótlega þar sem afraksturinn og breytingarnar munu vonandi sjást.

Í dag var Birkir fermdur.
Athöfnin var í Kálfatjarnarkirkju, undir tryggri stjórn klerksins Carlosar, með dyggri aðstoð Jóa meðhjálpara. Krakkarnir, 5 að tölu, 4 sætar stelpur auk Birkis, stóðu sig vel og allt gekk þetta ljómandi vel.
Að aflokinni athöfn var herjað heim á leið, til að taka á móti gestum. Ágætar heimtur voru í gestasmölun, og í dagslok höfðu 49 kvittað fyrir kaffinu í gestabókina. Nú tekur við að koma húsinu og heimilishaldinu í eðlilegt horf eftir atgang síðustu daga, og skal því lokið fyrir mánudagsmorgun.
Krakkarnir eru komnir í páskafrí úr skólanum, þannig að nú verður hægt að níðast á þeim við að rétta fram hjálparhönd við heimilisstörfin, þar sem mamma þeirra er orðin ósköp lúin eftir 8 mánaða meðgöngu í sjöunda sinn.

Af fólki:

Hjörtur er alltaf að vinna inni á Veðurstofu, ýmist í kerfisstjórn, eða sem eftirlitsmaður á vakt. Nóg er að gera í kerfisstjórn þar sem sinna þarf allmörgu við sameiningu Veðurstofunnar og Vatnamælinga í eina stofnun.

Sigrún er komin á leikskóla.

Kannski var kominn tími til að hún færi í leikskóla. Vinnan þar leggst vel í hana, margt skemmtilegt að læra og gera.

Stefán er alsæll í leikskólanum, þar sem hann byrjaði í fyrrasumar, en nú nýlega fékk Anna einnig pláss á sama leikskóla, þó á annarri deild sé. Adda er komin með loforð um pláss á leikskólanum, en það verður þó ekki fyrr en í sumar, þó ekki sé enn ljóst hvort það verður fyrir eða eftir sumarleyfi. Þangað til verður hún hjá LIndu sinni.

Melkorka og Birkir unglingast. Ekki þarf að fjölyrða um það.

Helgi heldur sig mest fyrir austan með Lilju sinni. Vinnur hjá Búaðföngum á Stórólfsvelli og býr ýmist hjá Helgu og Simma, eða ömmu sinni og afa á Akri.

Af fé:

Hundurinn er fluttur að heiman.

Öfugt við allmarga hunda sem hafa “flutt í sveitina”, þá flutti okkar hundur í þéttbýlið.

Marín og Valdi tóku Tinnu nefnilega til sín í vetur, og býr hún í þeirra einkarekna 3ja herbergja dýragarði.

Sem sagt: Allt í dandalafínu standi.

Eiginlega ætti ég að vera að þurka af og taka til í húsinu en rassinn minn er bara ekki að vilja lyftast frá stólnum þessa stundina.   Eina hljóðið sem ég heyri er suðið í uppþvottavélinni en annars er afskaplega hljótt.

Marín og Valdi komu hérna í gær og höfðu á brott með sér Melkorku, Stefán og Önnu,  og Hjörtur og Adda eru saman úti í bílskúr að ditta að öldungnum (bifrieð heimilisins).  Birkir er á sínum stað, hjá Árna frænda sínum…

Já… því er ég eiginlega bara ein í kotinu eins og stendur….

Fyrir þá sem ekki vita ákvað ég að fara að vinna á leikskóla sl. haust,…   Hluti af starfinu er að finna nýjar hugmyndir um það sem hægt er að gera með börnunum.  Um daginn var mér bennt á skemmtilega vefsíðu um tónlist.  Ég hef afskaplega gaman af því að syngja með börnunum og því hef ég verið að skoða þessa síðu af miklum ákafa og spilað myndskeiðin og lögin til að læra þau.

Margt af þessu er reindar meira fyrir eldri börn en þau sem ég er að vinna með… mín eru, þau elstu rétt skriðin yfir 2ja ára afmælisdaginn…. en þau elska að syngja flest öll… tala nú ekki um… að dansa…  þannig að ég er búin að finna margar hugmyndir þarna sem ég (og við á deildinni) getum notað.

Nú er bara að vona að ég geri ekki alla í kring um mig (aðra á heimillinu) klikkaða á allri þessarri barnatónlist…

Hún Melkorka fékk að leika sér með fjarstýringuna mína.  Ég skellti myndavélinni upp á þrífótinn og stillti hana eftir kúnstarinnar reglum…

Það komu margar flottar, og sumar nokkuð skondnar, myndir út úr þessu…  Þetta urðu alls um 600 myndir.  Slatti af þeim var úr fókus eða á einhvern annan hátt ónothæfar sem er ekkert óvenjulegt við þessar aðstæður, en ég var eiginlega hissa hversu mikill fjöldi mynda kom út úr þessu.

Ég er ekki enn búin að vinna allar þær myndir sem ég vil vinna, en hérna eru samt nokkrar:

Ég mun svo setja fleiri myndir úr þessarri töku síðar en áhugasamir munu geta skoðað þær á flickr

Síðustu daga höfum við verið að uppfæra hjá okkur.

Stýrikerfið á vefþjóninum var orðið nokkuð úrelt og var því skipt út fyrir nýjasta nýtt.

Þetta á að tryggja aukið öryggi, þar sem nokkrar öryggisholur voru komnar fram sem erfitt var að loka í gamla kerfinu.

Nú er það allt bætt.

Enn um sinn má búast við að eitthvað virki ekki sem best í vefjum okkar. Einhverjar síður kannski týndar, eða auðar, eða guð má vita hvað annað.

Þá er bara að senda okkur tölvupóst, benda á villurnar, og við lögum þær. Kannski. Ef við nennum því. Það er nefnilega sumar, og ekki alveg gefið að það sé álitið mikilvægast að sitja við tölvuskjá.

Það hefur skelfilega lítið verið bloggað hérna undanfarið.  Þetta ku víst vera fyrsta blogg ársins!   Það er svosem ekkert mikið að ske hérna, annað en þetta vnejulega, vinna, borða, sofa, þannig að lífið hérna hefur kannski ekki gefið okkur mikið tilefni til bloggs.  

Það er nú engin breiting á því núna, þó svo að þessar línur birtast hér nú…. og ef til vill einhverjir sem velta því fyrir sér, hvers vegna í ósköpunum við erum að halda úti þessarri síðu.   Svarið við því er aðallega á nördíska vísu… þetta er jú bloggað á kerfi sem smíðað er af undirritaðri og er einfaldlega notað til prófanna og ýmiskonar tilrauna sem gætu komið viðskiptavinum til góðs. 

En nóg um það í bili….  Ljósmyndunnar dellan hefur síðustu mánuði tekið undirritaða heljargreipum og var nú dellan þó nokkur fyrir.  Síðan í desember á síðastliðu ári hef ég verið að taka þátt í sérstöku mynd-á-dag verkefni.   Menn gera þetta á marga vegu…. oftast er bara tekin mynd af einhverju skemmtilegu, ein á dag og svo myndin sent á Flickr….  Sum þessarra verkefna ganga líka út á það að taka sjálfsmyndir.  Verkefnið sem ég skráði mig á gengur hins vegar út á myndir af börnum.   

Ég lagði ekki út í að taka mynd á dag af öllum mínum, sérstaklega þar sem sum þeirra eiga það til að hlaupa í burtu ef þau sjá myndavélar.  Þess vegna valdi ég að taka bara myndir Önnu og Arnbjörgu.  

Hann Stefán var einn þeirra sem ekki vildu láta taka mynd af sér þegar ég byrjaði á verkefninu.   Á því hefur þó orðið allnokkur breiting… og má með sanni segja að nú, þegar þessi orð eru skrifuð, er mun auðveldara að taka myndir af honum en systrum hans.  Hann er jafnvel að gefa Önnu góða punkta í sambandi við pósur og annað í myndatökunni.

Hér eru allir liggjandi í leti, með skál af nammi sér við hlið.  Það er bara eins og það á að vera, er það ekki?  Við vonum að allir sem  þetta lesa eigi gleðileg jól og óskum öllum jafnframt hamingju og farsældar á komandi ári…

Til þeirra sem áhuga hafa má geta þess að ljósmyndir frá okkur eru reglulega settar inn á Flickerinn okkar.

Hjörtur hefur störf á nýjum stað.

Hættur að smíða alla daga, og kominn í sparigallanum inn á Veðurstofu.

Hvað þar á að gera er ekki alveg ljóst, en vitað að það er tölvutengt á einhvern hátt, allavega er starfsheitið Kerfisstjóri.

Þetta bar allt afar brátt að. Í kringum 15 nóv hringdi síminn og var það tölvudeildarstjórinn að spyrja hvort karlinn væri til í að koma í vinnu hjá hinu opinbera. Fyrir sakir kulda og bleytu þann daginn var viljinn meiri en oft annars, og var samningum fram haldið næsta dag og síðan aftur fáeinum dögum síðar, sem leiddi af sér að samningar náðust.

Karlinn skellir sér svo í sparigallanum í vinnuna 3. des.