Búið að skíra
- Þann 10. október 2007
- Skráð af admin
- í Arnbjörg
0
Jæja, nú er búið að skíra hana Arnbjörgu. Það lá auðvitað beinast við að gera það bara hérna heima í stofu. Hún var jú getin heima og fædd heima. Nánustu ættingjar, langömmur, ömmur,afar, systkini foreldranna og þeirra börn voru viðstödd, og með heimillisfólkinu urðu þetta 50 manns.
Því miður gleymdi ég alveg að taka upp myndavélina og því á ég engar haldbærar ljósmyndir til að sýna. Ég auglýsi því hér með eftir myndum að skírnarbarninu, og líka öðrum myndum úr veislunni.
Breytingar í gangi
- Þann 3. október 2007
- Skráð af admin
- í Tilkynningar
- 0
Nú er ég að vinna í því að uppfæra kerfið sem er á bak við vefrun.com. Undirbúningurinn að þessu hefur tekið dágóðan tíma og skýrir líka bloggleysið hjá mér þar sem ekki var hægt að skrifa blogg á meðan. Uppfærslunni er ekki alveg lokið ennþá en það verður gert eftir því sem tími vinnst til.
Í sumar festi ég kaup á léninu vefrun.net og mun það fá það hlutverk að birta svona yfirlit yfir það helsta sem er að gerast á vefjunum okkar. …en eins og allt annað þá verður það bara að bíða þar til tími vinnst til.
Afmæli
- Þann 3. október 2007
- Skráð af admin
- í Fjölskyldan, Marín
- 0
Hún Marín okkar á afmæli í dag. Núna er hún orðin 17 ára. Það er ótrúlegt því það er svo stutt síðan hún var bara oggolítil písl sem saug þumalputtann.
Til hamingju með afmælið elskan mín og haltu áfram að vera sama dúllan og þú hefur alltaf verið.
