Jólakveðja

Gleðileg jól öll saman.

Að vanda höfum við etið, drukkið og slappað af yfir hátíðarnar.
Í dag tók ég síðan synina eldri með mér í smá at úti í bílksúr.
Við lukum við trésmíðar á nýju skrifstofu húsmóðurinnar, og undirbjuggum frekari framkvæmdir við að gera bílskúrinn nothæfan sem bílskúr.

Á morgun er ætlunin að renna í hurðaþjónustuna og athuga með nýju hurðarnar sem búið er að lofa, og kannski þær fáist á næstu dögum svo hægt sé að fara að setja þær í.
Vinna verður eitthvað af skornum skammti nú á milli jóla og nýárs, og á það jafnt við um smíðar í tré og vef, nema hvað að Sigrún á von á einum sinna viðskiptavina í kaffi til skrafs og ráðagerða.
Sem sagt allt gott að frétta af okkur hér í Vogum.
Myndina sem ég læt fylgja með tók ég rétt áður en byrjað var að opna pakkana, og var Stefán aðeins farinn að líta á þá, án þess að gera sér nokkra grein fyrir því hvað þetta skrautlega dót undir jólatrénu væri.

Stutt til jóla

Jæja. Loksins sest ég hérna niður enn og aftur til að reina að blogga. Internetið er reindar allt í molum þessa dagana og lítur út fyrir að það verði það eitthvað áfram. Þetta lén er að hluta til í útlöndum (eða DNS serverarnir) og þess vegna er hugsanlegt að vefurinn brenglist eitthvað vegna bilunnar í útlandasambandi.

Héðan er annars allt gott að frétta. Aðalfréttirnar eru kannski þær að þrátt fyrir ýtrekaðar yfirlýsingar um að frekari fjölgun mannkyns sé ekki á dagskránni þá er lengi von á einum.

Já, það er von á 7. afkvæminu á næsta ári. Ef áætlannir standast mun það líta dagsins ljós í kring um mánaðrmótin apríl maí. Við munum birta myndir hér á vefnum þegar við höfum þær undir höndum og ef internet samband leifir en þangað til, og ef ske kinni að vefurinn hverfi tímabundið af sjónarsviðinu, þá óskum við öllum lesendum nær of fjær gleðilegra jóla og fasrældar á komandi ári.

© Copyright Vefrun.com